Chapter 87 (Sura 87)
1; Ka tsarkake sũnan Ubangijinka Mafi ɗaukaka.
2; Wanda Yã yi halitta sa´an nan Ya daidaita abin halittar.
3; Kuma Wanda Ya ƙaddara (abin da Ya so) sannan Ya shiryar,(da mutum ga hanyar alhħri da ta sharri).
4; Kuma Wanda Ya fitar da makiyãyã.
5; Sa´an nan Ya mayar da ita ƙeƙasassa, baƙa.
6; Za mu karantar da kai (Alƙur´ãni) sabõda haka bã zã ka mantã (shi) ba.
7; Fãce abin da Allah Ya so, lalle ne Shi (Allah) Ya san bayyane da abin da yake bõye.
8; Kuma za Mu sauƙaƙe maka (al´amari) zuwa ga (Shari´a) mai sauƙi.
9; Sabõda baka, ka tunãtar, idan tunatarwa zã ta yi amfãni.
10; Wanda yake tsõron (Allah) Zai tuna.
11; Kuma shaƙiyyi, zai nisanceta,
12; Wanda zai shiga wutar da tã fi girma.
13; Sa´an nan bã zai mutu ba a cikinta, kuma bã zai rãyu ba.
14; Lalle ne wanda ya tsarkaka (da ĩmãni) yã sãmu babban rabo.
15; Kuma ya ambaci sũnan(5) Ubangijinsa, sa´an nan yã yi salla.
16; Ba haka ba! Kunã zãɓin rãyuwa ta kusa dũniya.(1)
17; Alhãli Lãhira ita ce mafi alheri kuma mafi wanzuwa.
18; Lalle ne, wannan(2) yanã a cikin littafan farko.
19; Littaffan Ibrãhĩm da Mũsã.
Hausa Quran | Karanta Al-Qur’ani
Pages: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114